حوار ساخن بين زوج وحماتة للعايز يضحك

بسم الله الرحمن الرحيم




تبقى قاعد فى امان الله مع مراتك وقاعدين تهرجوا

تقولها بحبك يا توتة وهيا تقولك وانا وفجأة يدق الباب

هو: خير اللهم اجعله خير مين اللى جايلنا الساعة دى

هى : مش عارفة قوم افتح يا حبيبى

هو: ربنا يستر

ويروح يفتح وللاسف ربنا ما استجابش لدعوته يلاقى فى وشه حماته

هو: فى سره اعوذ بالله من الشيطان الرجيم

حماتى

حماته : ايوة اومال عفريتها جاى يطل عليك ايه كل ده عشان تفتحوا الباب

انت وقعت على ودنك ولا ايه

هو: فى سره يارب الناس كبيرة وصغيرة بتموت وحماتى اللى خلاص

العنكبوت عشش فى مناخيرها افتكرها يا كريم

حماته : سرحان فى ايه بقى يا راجل يا ناقص اكلمك فى التليفون واقولك

تعالى بتخانق مع المعلم عكوة الجزار متجيش

هو: طب ما انا افتكرت ولادك هناك يا حماتى

حماته: ليه هو انا مستغنية عنهم

هو: يعنى ايه مستغنية عنى انا وبعدين دا راجل مفترى اخر مرة اتخانق

مع جاركوا اسماعيل الله يرحمه وفضل معلقة فى المحل تلات ايام

حماته : انت لو اتهببت مت هلاقى بدلاك ميت عريس لبنتى اللى اتعمت لما خدتك

واقولها يا بنتى بصيله تقولى بحبه يا ماما اقولها يا بنتى بصى كويس تقولى

بحبه اقولها دققى فى ملامحه تقولى الموكوسة مالها يا ماما اجيبلها

صورة قرد واقولها بصى للصورة وبصيله ايه الفرق ترد عليا

وتقولى بحبه يا ماما ادى النتيجة اتجوزتك وعملت عملية ليزر فى عنيها

ورجعت تشوف كويس ولما شافتك اتخضت واصرت ان الدكتور يرجعلها نظرها

زى ما كان

هو : كتر خيرك يا حماتى ( فى سره يارب مش عايز غير الدعوة ديا وبس

خدها خليها تبلع لسانها اكيد هتتسمم )

حماته: بنتى حبيبتى معلشى نسيت اسلم عليكى لما لقيت الموكوس فى وشى

هى: نورتى يا ماما يا حبيبتى عاملة ايه

حماته : كويسة بس الراجل اللى اتعميتى واتجوزتيه رفعلى الضغط

هو : معلشى يا حماتى معلشى

حماته : وبعدين ايه اللى انت لابسه ده شورت وفانلة اومال فين الكاب

انت فاكر نفسك شغال فى سيرك ولا كنت بتسليها وبتعملها فقرة المشى

على الحبل هو انا غريبة اعملنا كدة عجين الفلاحة ادخل غير واتحشم

وبعدين جيبلى حاجة اشربها يا عديم الذوق يلا

هو: يدخل المطبخ ويعمل شاى ويبص لعلبة سم الفيران ويقول اخلص منها

واخلص نفسى ويرجع يقول حرام هروح من ربنا فين ويرد على نفسة ويقول

اكيد ربنا هيسامحنى لالالا اعوذ بالله من الشيطان الرجيم ويخرج

حماته : كل ده عشان كوباية شاى موكوس ومدهول يا حظك يا بنتى وتدوق

الشاى ايه ده طعمه زفت ادخل اعملى واحدة عدلة يلا

هو: من عينيا ياحماتى ( وهو يبتسم مش خسارة فيكى العلبة كلها )

ويدخل المطبخ ويمسك السم وبعد كدة يرجع فى كلامه ويرجع الاوضة تانى

حماته : ورينى ظبطته ولا حتى فى ديا مش عارف

هو: ظبطته ياحماتى بس انتى مقولتيش انتى جاية ليه

حماته : الله بيت بنتى اجى وقت ما انا عايزة حكم

هو: يا حماتى تنورى بس بيتهيألى ان فى سبب

حماته : عرفت ان بنتى حامل قلت اجى اقعد معاها لحد ما ربنا يقومها بالسلامة

هى : بجد يا ماما

حماته : ايوة يا حبيبة ماما هقعد معاكى وهنام انا وانتى فى اوضة واحدة فاهمة

هو: يا نهار اسود دى لسه فى الشهر الاول يا حماتى

حماته : كمان بتسود النهار انا قلتها كلمة ربنا يسامحه ابوها

اقوله نناسب ده يقولى معلشى خلقة ربنا

هو: يبص لنفسه فى المرايا ويقولها يعنى ايه انتى مجوزاها لقرد

حماته : اسخم على الاقل القرد كان هيقعد يطنطتلها مش زيك

هو: بقى دى اخرتها يا حماتى عايزانى اتنطط لها

حماته: وفيها ايه مش مراتك حبيبتك لو انت معملتلهاش قرد مين هيعملها

هو: حسبى الله ونعم الوكيل فيكى يا انثى العنكبوت

حماته : وبعدين فى موضوع مهم عايزة اكلمك فيه

هو: خير

حماته : انت عارف طبعا انهاحامل

هو: ايوة

حماته : وطبعا بنتك او ابنك هتحبهم

هو: طبعا

حماته : و عارف انها اكيد هتتوحم يبقى لغاية ما الوحم يخلص ماشوفكش قدامى

هو : ليه يعنى

حماته:حرام عليك عايز البنت ولا الولد يطلعوا شبهك دانا افطسهم ارحملهم

هو: حرام عليكى اومال اروح فين

حماته: انت طالما هتقعد معانا يبقى لازم تتلثم وماشفش وشك العكر

هو: اتلثم يا شيخة حرام عليكى

حماته: حرام عليك انت ولادك بصراحة انا جانى فى المنام ابوكى وكان لابس

شورت ابيض وفانلة حمالات مقطعة معفن عادى متغيرش المهم قالى

خلى بالك من اللى فى بطن بنتك اوعى بوز الاخص جوزها يكرف عليهم

وصيتك اللى فى بطنها وفجأة طلع يجرى والناس وراها بيقولوا حرامى

هو: لابس شورت ابيض وفانله مقطعة حتى جهنم رايح يشحت فيها

حماته : اخرص هيا وصية وهنفذها ودى وشك الناحية التانية

هو: فى سره ايه هيا محسسانى انها بتكلم قرد هيا ماتشوفش نفسها

فى المرايا لما امها كانت تحب تخوفها تقولها بصى فى المرايا وتقولها العو اهو

حماته : وانتى يا بنتى ولا تكلميه ولا تردى عليه زيه زى اى كرسى فى الشقة

هى: بس يا ماما

هو: فى سره كدة يا حماتى طب اصبرى عليا هخليكى تموتى موتة محدش

ماتها قبل كدة هخليكى تموتى بفضيحة ان ما كهربتلك قاعدة الحمام يا انثى

هههههههه فعلن الله يكون بعون المتزوجين على حماتهم

ههههههههههههه
حلوة كتير يسلموا ايديك مواضيعك حوة متلك
مش انت متجوزة كيف امك بتعمل هيك بجوزك
بدون زعل

الله يوفقك يا ربي وشكرن لمرورك

افت شو هااد طلعت روحي منها كيف هو؟؟ عزا
بس يسلمو كتييييييييييير ولا أروع من هيك حماية من الآخر صبابا
هههههههههههه

مرسي للمرور الجميل يا سماح

العفو ويا هلا