صــــ رماديه ــــوره

جرحتي جريح الصمت...
واعلنتي..
عَلَيّْ الحرب..
يوم انّك..
بجوفي قد تمكنتي...
وخنتيني...!!
بعد ما قد عرفتيني..
وعرفتي فيني احساسي..
وحلفتي لي بربّ الكون..
بأنّي فارس احلامك..
وصدّقتك..
بطيبة قلبي المرهف...
وصرت اكتب..
وأتغنّى بخمس حروف..
تشكّل اسمك الرنّان..
وفجأه..
يومك ادركتي..
بأنّك في حياتي قد تغلغلتي..
وذبحني حبّك المجنون....
هجرتيني...
وقلتي لي:..
أبيك تغيب...
وترحل عن دروبي بعيد..
بدون اسباب...!!
وتركتيني مثل واحد..
معاه الحظ دايم شين...
ولا يملك سوى فرصه..
وقدّامه ثلاث ابواب..
تقدّم خطوه..
ويرجع..
خُطى للخلف....
متردّد..
يخاف تضيع أحلامه...
ويومنّه فتح بابٍ يوصّل لك..
لقاك بآخره تضوين..
ولقى قدّامك..
اشواك وبراكين وصحاري قُفْرْ..
وفيها سباع تلهث من ضما ومن جوع...
رغم هذي الصعايب..
قرّر يجي لك...
ولكن للأسف..
ساعة وصل يمّك..
قتلتي فيه أنفاسه...
وأدتي بعزمك الفرقى..
بقايا أروع إحساسه..
وهذا انتي...
من أوّل يوم قابلتك..
الى هالحين..
أحاول..
لجل اشكّل منك قوس الوان...
ولكن للأسف تبقين..
مثل ما انتي..
معايه..
أو معى غيري...
مثل مجهول في صوره رماديّه...
ولكن رغم كل اللي معايه صار..
يا أنتي..
أقول بأصدق إحساسي..
إذا هانت جميع الناس في عيني..
فلا هنتي...!!

يسلمو على الكلامات الحلوة والرائعة

الله يسلمك يا رب وشكرا