ظاهره جديده في فلسطين

السلام عليكم ورحمة الله وبركاته

بصراحه اليوم الموضوع مهم كتير بس مو عارف وين بدي ابدا فيه بس راح احكي بصراحه تامه

اليوم كانت عندي كم من مشوار في البلد الخليل الرجمن

ولاحظت شي بصراحه اتعقت منو .... ابلش احكي

اول الكلام على الصبايا بلد الخليل

الوحده بتكون لابسه عباه بس الله اعلم شو في تحت العاه انا بقلكم شو بكون تحت هاي العباه مع اغلب صبايا البلد
اكيد يا بكون تنوره قصيره يا بكون بلطلون جينز كتير ديق على البنت وبتجي نسمة هوا وبطير العباه وكل شي ببين
والبنات بحكو انها محجبه وما في شي بظهر منها انا بلاقي كل بنت محجبه الا ما وراها مصيبه تحت الحجاب هاد خلصنا منو

ابنجي للجلباب ....

اليوم كمان لاحظة هاد الشي البنت لابسه جلباب ومنديل ومستوره وكل شي تمام التمام
بس بلمح البصر دقق في لبس المنديل كلو تحتو باين متل وضوح الشمس وكل شي باين تحتو اذن لشو المنديل اذا كل شي تحتو باين اذن ما وصلنا لحل

يعني البنت اليوم بتقلك انا مستوره بس انجيت للصح مو مستوره ولا حته كمان يعني كل بنت اليوم (بلعربي) نص سدرها من تحت المنديل بااااااااااااين يا عالم حرام الي بصير فينا

بس نصيحه لصبايا

كل بنت لما تلبس حجابها تستر كل شي فيها لانو هاي المناديل الخفيفه ملها على الفاضي يعني في الف نوع ونوع وبرغم هيك البنت بنقي الشي الشفاف وكمان هون ما استفدنا شي

بقل ما تطلعي من باب بيتكم يا صبايا يا حليون والله يستر عليكم البسو شي لعند الرقبه او يغطي الرقبه لو لا سمح الله صار اي شي اتكوني مستوره من كل شي

موضوع كبير كتير بس انا بصراحه مدايق كتير من بنات الخليل بعد ما كنا المثل لجميع في الاخلاق هلاء صرنا المثال العالي للناس الي بدو يشوف شي حلو ينزل على الخليل

موضوع قابل للتجديد

بتمنا من الجميع يعطيني رئيو فيه

عفوا على لغتي او انو بحكي في الغه العامه النا

تقبلو تحياتي

مش عارفة شو بدي اقولك

بس كلامك والله 100% سليييييييييييييييييييييييييم

وخالي من الشوائب

كتير في هيك

واصلا البنت اللي بتحافظ عدينها تلبس حلو اه

بس تنتبه

لانو حلو عن حلو مختلف

اي انا والله ما بطلع من الدار الا سال كل اهل البيت

مبين شعري ؟؟؟؟؟

واسع جلبابي

ليكون مكسم

وعلاده الحال

صحيح يمكن تقولو موسوسة

بس والله ولا انو يجي في يوم شب ويحكي متل حكيك يا مسيو

والله يهدي البنات

واالله يعين الشباب

بردو غض النظر لازم

مهما كان اللي بتشوفو

وهادا هو اخر الزمان

شو بدنا نعمل لازم نستحمل

شكرا على طرحك لموضوع اللي فعلا جاي عالوجع متل ما بقولوها

بس الحقيقة

ما فسد اهل الخليل

الا عن برا 48

حسبي الله عليهم

هو من زمان في بنات بعجبو وشباب بعجبو

بس هلا كل شي زاد

كلامك صحيح يا حسام وفعلن في بنات كتير هيك بكون لبسهم
وهيدي لمصيبه انهم بيحكو عن حالهم محجبات
وبتكون البنت لابسه جلباب ومنديل وكل شي مستور
وبتشم ريحة العطر عن بعد كيلو ازا مو اكتر
وبتكون حاطه مكياج احكي انها رايحة على سهره
او اليوم فرحها فهيك ما بكون في داعي لجلباب او المنديل
انا برايي ازا الوحده بتشلح الجلباب والمنديل بيكون اشرف الها من انها تلبسه
وهيه مو ساتره شي شعرها مبين او جسمها
فالبنت الي بتلبس جلباب او عباه لازم تكون قد هلشي
يعني تلتزم صح وتشتر جسمها

شكرن كتير يا حسام لطرحك هيدا الموضوع الرائع

انا من الناس الي جديد تحجبت بس والله شعره واحده ما بتبين من شعري
لانه يا بلبس المنديل صح يا اما ما بلبسه

يسلموا ايديك يا حسام على الموضوع الكتيييييييييير حلو

واكيد ميفيد أكيد كل كلامك مزبوط ازا احنا البنات بنلاحظ

هادا الاشي وايام بنصير بدنا نضرب ونسب البنت فكيف الشب

والوحدة لما بدها تحجب اول لازم تعرف ايش يعني الحجاب

مش بس المهم نلبس ورفجي الناس ان لبسنا

انا بصراحة ما كنت البس جلباب

بس كنت كل ملابسي طويلة ووسيعة

وانا البست الجلباب لاني شفت كيف لبس البنات

اللهم عافينا وحمينا

وعنجد شكرا الك يا حسام

اولا مشكور اخي على طرحك

وبدي اقول رايي مع اني مش من الخليل ولا من فلسطين

بس الكلام اللي قلتو مش محصور بالخليل بس ولا حتى بفلسطين

بكل الدول العربيه بتلاقي هيك اشياء

كاسيات عاريات والعياذ بالله

وصار الحجاب هلأ على الموضه

وبتلبسو بس عشان ما يحكو عنها الناس مش لتستر نفسها او طاعه لله

وهيك حال بنات الزمن

وما بايدنا شي لنعملوا سوى القول

الله يهدي ويستر على بناتنا

تقبل مروري مع حبي واحترامي

مع التح ــيه

يسلمو اخ حسام على كلامك الحلو وانا معاك في هل كلام بس انا عندي تعليق الكل عنده خواات واظني كل واحد ما بحب حدا يطلع على اخته صحيح كلامي بس عندك بعض عالم كتيره بتحب تنزل متل ما قلت واسخم بدون زكر اسماء وانا بعرف كتير شخصياا الله يستر على الجميع احنا ما بطلع بايدنا نعمل شي ولو جيت بدك تعمل شي بسوئو الشرف عليك وبتصير البنت شيخة زمانها مع انو بتكون تلف ودور وهي البلد الواحد ازا ما كان قد حاله فيها ما بعيش وسيبك من العالم كل واحد بعمل الي بريحه وانت ارضي ربك وضميرك وسيبك من الباقي لو في خليفه بصير شي تاني والله يوفئ الجميع
حاسوب

مسا الورد للجميع انا ملاحظ انو اكتر الي علقو على الموضوع صبايا
هو صحيح كلامك يا حسام مو بس في الخليل وين ما تروح عند المسلمين ليه ما تحكي انو هاد غزو فكري على المراة المسلمه بيغزوها من لبسها من تفكيرها يعني القضيه مو قضيه لبس صبيه القضيه انو هناك غزو فكري على النساء المسلمات بشكل عام واكبر دليل انو ستار اكاديميه مدعوم من قبل يهودي صهيوني بس معاه جنسيه اجنبيه جابو معاه لقاء في احدى الصحف العربيه سالو سوال شو المشوار التاني الي بدكم توصلولو رد عليهم المراة العربيه سالو الصحفي ليه المراة مو الرجل حكالو الرجل المسلم بينجر خلف المراة رد سالو كمان سوال كيف بدك توصلو للمراه رد عليه وحكالو من خلال لبسها وتفكيرها من خلل الديمقراطيه الي اليوم اغلبنا من دافع عنها يعني اذا جيت تفتح موضوع مع البنت وتحكيلها لبسك بتحكيلك موضه مو بسالبنت تعال شوف اغلب الشباب صارو متل الصبايا في البس وتسريحه
بعود هاد الشي على المجتمع كيف بكون فاسد ولا صالح
وخصوصا الاب والام وما لنا غير الهدا من رب العالمين الله يهدي الجميع ويستر على بنات الناس

يسلمو يا محمود نزال على اردك الجميل وانا معك في هاد الشي
بس انا طرحة هاد الموضوع على البنات يمكن انلاقي رد لهيك سوال عنى في المنتدى

وانا معني اسمع رد الصبايا اكتر من الشباب

يسلمو كتير للجميع

بما انك يا اخ حسام حابب تشوف اراء الصبايا بالذات انا حابب احكي رايي اذا ممكن
مع احترامي للجميع بس يا ريت ما حد يزعل مني لانة كلامي من الواقع
احنا اليوم عايشين بواقع كتييييييرمخيف لانة انا بعرف بالعادة الشب هو الي بلاحق البنت
وبغازلها لكن مع الاسف احنا بوقت البنت صارت هالايام هي الزلمة وهي صارت تلاحق الشب
وفي شباب حرام يكونو من نوعية الرجال الواحد فيهم يروح يلبس منديل احسنلو لانة لبسهم
اصبح لبس بنات الي بنطلونو ساحل والي نص ضهرو وبطنو مبين وين راحت المراجل يا ناس
احنا ليش نلوم البنت لحالها يا حسام احنا ليش ما نلوم حالنا البنت لما تشوف اخوها بلبس هيك هي بالتاكيد راح تلبس اقطع منو وهو ما بقدر يحكي معها ولا كلمة لانة متلها
وانا مع الاخ محمود بكل كلمة حكاها بس احنا ليش نشوف الغلط ونعمل متلو
وهاي نصيحة مني واعتبروها من اخوكو الصغير بامنتدى
لو كل واحد فينا بستر حالو من عندو ما بصير فينا هيك اي كل يوم بنسمع مصيبة بالبلد

فكل واحد يستر على حالو وعلى الي عندو وسدئوني ما بصير مشاكل بالمرة

وفي عندي كمان تعليق لو تسمحولي بخص الاهالي المحترمين
في ناس كتييييييييييير الواحد فيهم بكون ماشي بالبلد وبنتو او بناتو ماشيين جنبو وهم مش مستورات والكل بكون يعلق عليهم والاب بكون مبسوط وفاتح تمو للدبان اسف على التعبير
بس للاسف هاد واقعنا وبكون الاب معتبرها نوع من الديمقراطية والام اكيد بتكون نفسو

لانة لو عندها ذرة غيرة على شرفها وشرف بناتها ما بتسمحلهم ينزلو هيك
مع احترامي للجميع واسف اذا طولت عليكو بس واللة لو بدي اضل احكي بهاد الموضوع ما بخلص بالمرة

تقبل مروري اخ حسام مع الاحترام

محبكم

الصــــ الجريح ــــــقر

يسلمو حبيب قلبي على مرورك الجميل كتير

بس ولله انا كتير مدايق من هيك شي يعني الواحد بطل يستحمل اكتر من هيك

بس شو بدنا نعمل على فكرا لليوم كنت في البلد وشفت نفس الشي

بعين الله

تقبلو تحياتي

يسلمو على الموضوع ومعظم كلامك صحيح بســ..
ما بيمشي مع الكل

تقبل مروري وأطيب أمنياتي
A.B

ظاهره جديده في فلسطين Icon_smile

سلام عليكم
والله يا خالي مو عارف شو بدي اقلك بس كلام على عيني وراسي

وكلامك ميه الميه

وقصتك بتحزن بس ما علينا ما بنقدر نقول الى الله يهديهم ويهدينا ويهدي جميع خلقوو ومشكور خيوو على طرحك لا هل موضع

والله موضوع جميل.................
لكنى لااستطيع ابداء رئى................لانى لااعرف طبيعة المكان والناس فى هذا المكان
ولكل تقاليده وعاداته
تختلف باختلاف الناس
بس اسعدنى النقاش الذى دار

الله يعطيكم العافية --- موضوع حلو وملفت للنظر وما في اثنين بيختلفوا على هذا الكلام لكن الي بتلبس الحجاب او المنديل بهذة الطريقة احسن ما انها متلبسوش من الاساس

اولا يعطيك الف عافية على موضوعك الجدي والصريح
وانا معك مية بالمية
واذا البنت بدها تعمل الحجاب عالموضة
يعني تبين شعرها او رقبتها او اي شي من هاد التقليد
بلاه هالمنديل احسنلها
وفعلا هاد اللي بصير عنا هون
وكمان الاهل الهم دور كبييييييير
لانو البنت بتطلع من دار اهلها
وبشوفوها وهي طالعة
وزي ما بتحكي انو امها بتكون مبسوطة لما الشباب يعاكسوها
شو ضل اكتر من هيك
تجيبلها رقمو

يسلمو كتير