السلام عليكم و رحمة الله و بركاته
ازيكم يا هيومانز
يا رب تكونوا بخير و سعادة
ندخل فى الموضوع
او ممكن نفاديه
طبعا انا مش لازم اقولكم اد ايه انا دمى خفيف
اظن واضح
المهم
اه
قبل ما نخش فى الموضوع مش عايز واحد يتفلسف و يطلع يقولى ابراج ايه
و الكلام التعبان ده
اقرأ الموضوع الاول و لو مفهمتش الغرض ابقى قول اللى انت عايزه
المهم ( تانى مرة )
طبعا كلكم عارفين ان الدنيا بتتطور و معالمهما بتتغير و ايام زمان غير دلوقت
و طبقا لنظرية التطور الطبيعى للحاجة الساقعة
اكتشفت ان فى ابراج جديدة حتما و لابد تدخل فى مجال حياتنا النهاردة
غير طبعا الابراج المعروفة
و الابراج الجديدة حلوة و جميلة و على الموضة
و لا تتعارض مع حقوق الحيوان ( و طبعا البنى ادم مش مهم )
وهى تعكس مظاهر كثيرة جميلة جدا فى حياتنا اليومية
نبدأ بقى نتعرف على الابراج الرائعة دى
1 - برج القطة :
شعاره الاساسى : اكل و انكر
اهم سماته : يتسحب و يتمحك فيك و يدى دور ناعم كده
و يعمل فيها غلبان
ويتمسكن لغاية ما يتمكن
و بعد ما ياخد منك مصلحته
يرميك ورا ظهره
=========
2 - برج الحلوف :
شعاره الاساسى : انا كده
اهم سماته : جلف الطبع حمار فى تعاملاته مع الاخرين
مش بيراعى مشاعر اى بنى ادم
و دايما غبى فى كلامه
و طبعا منظر ع الفاضى
=========
3 - برج السحلية :
شعاره الاساسى : اوعى وشك و خد بالك من عيالك
اهم سماته : يجيد التسلل و بث السموم بين الناس
يفركش احلى القعدات و يفرق الجماعات
جاسوس بدرجة ح . ج ( = حقير جدا )
غالبا ما يشغل وظائف حكومية
=========
4 - برج الضبع :
شعاره الاساسى : الجبن سيد الاخلاق
اهم سماته : الخسة والندالة
و طبعا الركب اللى بتكتك و اللى بتخبط ع الجيران
مش ممكن ابدا يشتمك فى وشك
بارع جدا فى الطعن فى ظهرك
=========
5 - برج البطة :
شعاره الاساسى : كسلان مش قايم
اهم سماته : برووووطة
مش بيعمل حاجة خالص
مستنى كل حاجة تجيله
فوق كده بيتأمر و يتمنظر على الناس
يفرد رشه و ينفخ صدره
و هو كله على بعضه مايساويش ربع جنيه
و مخروم كمان
ملحوظة : بعض الخبراء بيبحثوا فى تغيير اسم هذا البرج
من برج البطة
الى برج البيضة
=========
6 - برج النمرة ( انثى النمر يعنى ) :
شعاره الاساسى : للنساء فقط و زى العسل
اهم سماته : العمل بكل جد و اجتهاد
و وضع الخطط و التكتيكات
لتحويل حياة الرجل الى جحيم ابدى
طبعا ده برج جميل اوى و عثل
بس شرس جدا
و ممكن ياكلك
هممممممم
******
نيجى بقى لحظك اليوم :
اليوم و بكرة و بعده وطول حياتك
طبعا يا جماعة من الواضح ان الابراج الجديدة دى من وحى الخيال
و ما هى الا تجسيد لبعض النماذج التى نراها و نقابلها يوميا
والغرض انك تبقى عارف النماذج السيئة فى حياتك
واللى مليانة نفاق و غدر و خيانة و دناءة
و طبعا فى نماذج جميلة
بس بقت نادرة شوية
ربنا يوفق الجميع
و العيد فرحة